کب کا گزر چکا ہے وہ موسم شباب کا

کب کا گزر چکا ہے وہ موسم شباب کا

اب ذکر ہے فضول وفا کی کتاب کا

فرصت ملے تو دیکھ ذرا دل کا آئنہ

اس میں ہے عکس تیرے گناہ و ثواب کا

چپ چاپ حال اہل نظر دیکھتے رہو

ہے کس کے پاس وقت سوال و جواب کا

ہر شخص گھر گیا ہے نئے اضطراب میں

توڑا ہے جس نے قفل در اضطراب کا

رکھتا ہے تیرے روئے حسیں سے مشابہت

ہر شاخ پر سجا ہے جو چہرہ گلاب کا

کافی ہے اس کی ذات کے عرفان کے لیے

موج ہوا کے دوش پہ اڑنا سحاب کا

شاہدؔ جنہیں خبر ہے رموز حیات کی

رکھتے نہیں حساب غم بے حساب کا

kab ka guzar chuka hai wo mausam shabab ka

ab zikr hai fuzul wafa ki kitab ka

fursat mile to dekh zara dil ka aina

is mein hai aks tere gunah-o-sawab ka

chup chap hal ahl-e-nazar dekhte raho

hai kis ke pas waqt-e-sawal-o-jawab ka

har shakhs ghar gaya hai nae iztirab mein

tora hai jis ne qufl-e-dar-e-iztirab ka

rakhta hai tere ru-e-hasin se mushabahat

har shakh par saja hai jo chehra gulab ka

kafi hai us ki zat ke irfan ke liye

mauj hawa ke dosh pe urna sahab ka

shahid jinhen khabar hai rumuz-e-hayat ki

rakhte nahin hisab-e-gham-e-be hisab ka