آج بھی مشکلات کم تو نہیں

آج بھی مشکلات کم تو نہیں

بارش حادثات کم تو نہیں

ایک سورج غروب ہونے سے

رونق کائنات کم تو نہیں

کیوں شکایت ہے موسم گل سے

شاخ پر پھول پات کم تو نہیں

عمر بھر کی رفاقتوں کے بعد

ہجر کی ایک رات کم تو نہیں

اس کی مرضی سے چار دن جینا

اس قدر بھی حیات کم تو نہیں

میں تری ذات ہی کا حصہ ہوں

مجھ میں تیری صفات کم تو نہیں

وقت سے کیا گلہ کروں شاہدؔ

وقت کا التفات کم تو نہیں

aj bhi mushkilat kam to nahin

barish-e-hadsat kam to nahin

ek suraj ghurub hone se

raunaq-e-kainat kam to nahin

kyun shikayat hai mausam-e-gul se

shakh par phul pat kam to nahin

umr bhar ki rifaqaton ke baad

hijr ki ek rat kam to nahin

us ki marzi se char din jina

is qadar bhi hayat kam to nahin

main tiri zat hi ka hissa hun

mujh mein teri sifat kam to nahin

waqt se kya gila karun shahid

waqt ka iltifat kam to nahin