اب کیا کہیں جو موسم گلشن کا حال ہے

اب کیا کہیں جو موسم گلشن کا حال ہے

پھولوں سے رابطہ نہ صبا کا خیال ہے

ہر آرزو کی آنکھ میں آنسو لہو کے ہیں

کس کا یہ دل کے شہر میں یوم وصال ہے

مجھ کو کیا تھا قیدیٔ تقدیر کس لیے

قدرت سے انتظار جواب و سوال ہے

جذبوں کی انجمن میں اسی کی ہے روشنی

گلہائے آرزو میں اسی کا جمال ہے

جو بخل سے کیا ہے اکٹھا تمام عمر

تیرا نہیں ہے وہ ترے بیٹوں کا مال ہے

ہر گوشۂ زمیں پہ ذرا غور سے پڑھو

لکھی جو داستان عروج و زوال ہے

شاہدؔ وہ پوچھتے ہیں مرا حال کیا کہوں

جیسا تھا پچھلے سال وہی اب کے سال ہے

ab kya kahen jo mausam-e-gulshan ka hal hai

phulon se rabta na saba ka khayal hai

har arzu ki ankh mein ansu lahu ke hain

kis ka ye dil ke shahr mein yaum-e-wisal hai

mujh ko kya tha qaidi-e-taqdir kis liye

qudrat se intizar jawab-o-sawal hai

jazbon ki anjuman mein usi ki hai raushni

gulhae arzu mein usi ka jamal hai

jo bukhl se kya hai ikattha tamam umr

tera nahin hai wo tire beton ka mal hai

har gosha-e-zamin pe zara ghaur se parho

likhi jo dastan-e-uruj-o-zawal hai

shahid wo puchhte hain mira hal kya kahun

jaisa tha pichhle sal wahi ab ke sal hai