ہلکی ہلکی بوندیں برسیں پنچھی کریں کلول

ہلکی ہلکی بوندیں برسیں پنچھی کریں کلول

اس رت میں ہیں امرت سے بھی میٹھے پی کے بول

جس دن ان سے ملن ہوا تھا جیون میں رس برسا

اب برہا نے جیون رس میں زہر دیا ہے گھول

مہنگائی میں ہر اک شے کے دام ہوئے ہیں دونے

مجبوری میں بکے جوانی دو کوڑی کے مول

پریم نگر کی سمت چلا ہے کویتا کا اک راہی

من میں آشا دیپ جلا کر گھونگھٹ کے پٹ کھول

جس دن محشر برپا ہوگا کھل جائیں گی آنکھیں

عقل کے اندھے گانٹھ کے پورے من کی آنکھیں کھول

وقت سحر ہے اور چمن میں شبنم چمکے ایسے

جیسے کرنوں کے دھاگوں میں موتی ہوں انمول

halki halki bunden barsen panchhi karen kalwil

is rut mein hain amrit se bhi mithe pi ke bol

jis din un se milan hua tha jiwan mein ras barsa

ab barha ne jiwan ras mein zahr diya hai ghol

mahngai mein har ik shai ke dam hue hain dune

majburi mein bike jawani do kauri ke mol

prem nagar ki samt chala hai kawita ka ik rahi

man mein asha dip jala kar ghunghat ke pat khol

jis din mahshar barpa hoga khul jaengi ankhen

aql ke andhe ganth ke pure man ki ankhen khol

waqt-e-sahar hai aur chaman mein shabnam chamke aise

jaise kirnon ke dhagon mein moti hun anmol