خود کو جب لگ گئی نظر اپنی

خود کو جب لگ گئی نظر اپنی

زندگی بن گئی کھنڈر اپنی

جب بھی سورج غروب ہوتا ہے

یاد آتی ہے دوپہر اپنی

اس کا قصہ بھی اب طویل نہیں

ہے کہانی بھی مختصر اپنی

ساتھ ہوتا ہے جب بھی غم اس کا

مجھ کو ہوتی نہیں خبر اپنی

کوئی مبہم سا نقش پا بھی نہیں

سونی سونی ہے رہ گزر اپنی

ہوں تو اپنوں کی بھیڑ میں طالبؔ

کوئی لیتا نہیں خبر اپنی

khud ko jab lag gai nazar apni

zindagi ban gai khandar apni

jab bhi suraj ghurub hota hai

yad ati hai dopahar apni

us ka qissa bhi ab tawil nahin

hai kahani bhi mukhtasar apni

sath hota hai jab bhi gham us ka

mujh ko hoti nahin khabar apni

koi mubham sa naqsh-e-pa bhi nahin

suni suni hai rah guzar apni

hun to apnon ki bhir mein talib

koi leta nahin khabar apni