مدتوں کے بعد جب پہنچا وہ اپنے گاؤں میں

مدتوں کے بعد جب پہنچا وہ اپنے گاؤں میں

جھریاں چہرے پہ تھیں اور آبلے تھے پاؤں میں

اب تو شاید گر گیا ہوگا وہ پیپل کا درخت

بچپنے میں ہم ملا کرتے تھے جس کی چھاؤں میں

کون آئے گا مری دہلیز پہ برسوں کے بعد

آج ہم پھر کھو گئے کوے کے کاؤں کاؤں میں

تاکہ مجھ پہ شہر کی عریانیاں غالب نہ ہوں

اپنی آنکھیں چھوڑ آیا ہوں میں اپنے گاؤں میں

ایک سمندر آنکھ میں تھا موجزن طالبؔ مگر

عمر بھر ہم تشنہ لب بھٹکا کیے صحراؤں میں

muddaton ke baad jab pahuncha wo apne gaon mein

jhiriyan chehre pe thin aur able the paon mein

ab to shayad gir gaya hoga wo pipal ka darakht

bachpane mein ham mila karte the jis ki chhaon mein

kaun aega miri dahliz pe barson ke baad

aj ham phir kho gae kawwe ke kaun kaon mein

take mujh pe shahr ki uryaniyan ghalib na hun

apni ankhen chhor aya hun main apne gaon mein

ek samundar ankh mein tha maujzan talib magar

umr bhar ham tishna lab bhatka kiye sahraon mein