تنہائی کا روگ نہ پال

تنہائی کا روگ نہ پال

گھر سے باہر پاؤں نکال

جن میں ہو زہریلا پن

ایسی باتیں ہنس کر ٹال

شہر میں وحشی آئے ہیں

چل جنگل میں ڈیرا ڈال

اندر سے ہیں بکھرے بکھرے

اور باہر سے سب خوش حال

آنکھیں سب کی فکر زدہ

کیسے بیتے گا یہ سال

طالبؔ پیاس بجھے کیسے

ایک ندی اور سو گھڑیال

tanhai ka rog na pal

ghar se bahar paon nikal

jin mein ho zahrila pan

aisi baten hans kar tal

shahr mein wahshi ae hain

chal jangal mein dera dal

andar se hain bikhre bikhre

aur bahar se sab khush hal

ankhen sab ki fikr zada

kaise bitega ye sal

talib pyas bujhe kaise

ek naddi aur so gharyal