لہو کا ایک چھلکتا ہوا ایاغ لیے

لہو کا ایک چھلکتا ہوا ایاغ لیے

حیات آئی ہے محرومیوں کا داغ لیے

گزر گئے ہیں یوں ہی جادۂ شباب سے ہم

فسردہ ذہن لیے غم زدہ دماغ لیے

ہر اک جبیں پہ تموج ہے سوزش دل کا

ہر اک نگاہ ہے یک حسرت فراغ لیے

چلے ہیں ظلمت و ہر سیل باد کی زد پر

جنوں صفات بھڑکتے ہوئے چراغ لیے

lahu ka ek chhalakta hua ayagh liye

hayat ai hai mahrumiyon ka dagh liye

guzar gae hain yun hi jada-e-shabab se ham

fasurda zehn liye gham zada dimagh liye

har ik jabin pe tamawwuj hai sozish-e-dil ka

har ik nigah hai yak hasrat-e-faragh liye

chale hain zulmat-o-har sail bad ki zad par

junun sifat bharakte hue charagh liye