نسیم صبح تو کیا تند خو ہوا بھی نہیں — Ehsan Nanparwi

Arooz is now on the App Store, for iPhone and iPad. Download →

Ehsan Nanparwi (b. 2010)

نسیم صبح تو کیا تند خو ہوا بھی نہیں

یہ کیا ستم ہے کہ وہ مجھ سے اب خفا بھی نہیں

فسردہ چہرۂ گل ہے یہ کیسا موسم ہے

کہ گلستاں میں کوئی شوخیٔ صبا بھی نہیں

کہاں میں لایا گیا ہوں نہ کوئی اپنا نہ غیر

الٰہی لطف حیات گریز پا بھی نہیں

عجب ہے حال دل زار کس زباں سے کہوں

علاج زخم تمنا تری ادا بھی نہیں

خیال گرمیٔ موج نفس کی شدت سے

جلا ہوں ایسا کہ اب کوئی سانحا بھی نہیں

اسی سے فاش ہوا زندگی کا سوز دروں

مری خموش نگاہی کہ بے نوا بھی نہیں