لائی تھی خلوت سے دل کی نا شکیبائی مجھے

لائی تھی خلوت سے دل کی نا شکیبائی مجھے

بزم میں بھی ہے وہی احساس تنہائی مجھے

لذت زخم تمنا سے ہوں سرگرم سفر

ورنہ کب منظور تھی یہ جادہ پیمائی مجھے

منظر بربادیٔ دل پر تو نم دیدہ تھا میں

لوگ دکھلاتے رہے چہروں کی زیبائی مجھے

سن رہا ہوں دیر سے اپنی صدائے بازگشت

آرزو کا شہر ہے صحرائے تنہائی مجھے

زندگی کے دشت و در میں آرزو کی راہ سے

لے گئی دار و رسن تک آبلہ پائی مجھے

lai thi khalwat se dil ki na shakebai mujhe

bazm mein bhi hai wahi ehsas-e-tanhai mujhe

lazzat-e-zakhm-e-tamanna se hun sargarm-e-safar

warna kab manzur thi ye jada paimai mujhe

manzar-e-barbadi-e-dil par to nam dida tha main

log dikhlate rahe chehron ki zebai mujhe

sun raha hun der se apni sada-e-bazgasht

arzu ka shahr hai sahra-e-tanhai mujhe

zindagi ke dasht-o-dar mein arzu ki rah se

le gai dar-o-rasan tak abla pai mujhe