جراحتوں کی مہک ہے فضا کے دامن میں

جراحتوں کی مہک ہے فضا کے دامن میں

ہزار پھول کھلے ہیں صبا کے دامن میں

ہے آج شدت احساس نارسائی کیوں

گداز دل تو بہت ہے دعا کے دامن میں

جہان آہ و فغاں بھی ہے آب گل نغمہ

فسون کوہ ندا ہے صدا کے دامن میں

گیا وہ قافلۂ نوبہار بھی لیکن

وہی ہے ذوق سفر نقش پا کے دامن میں

وہی جو طائر افلاک آشیاں تھا کبھی

تڑپ رہا ہے وہ بیم و رجا کے دامن میں

jarahton ki mahak hai faza ke daman mein

hazar phul khule hain saba ke daman mein

hai aj shiddat-e-ehsas-e-narasai kyun

gudaz-e-dil to bahut hai dua ke daman mein

jahan ah-o-fughan bhi hai ab-e-gul naghma

fusun-e-koh-e-nida hai sada ke daman mein

gaya wo qafila-e-naubahar bhi lekin

wahi hai zauq-e-safar naqsh-e-pa ke daman mein

wahi jo tair-e-aflak ashiyan tha kabhi

tarap raha hai wo bim-o-raja ke daman mein