دل سے نکلی ہے گر دعا میری

دل سے نکلی ہے گر دعا میری

رنگ لائے گی ہر دعا میری

ایک دن ان کو اور کوئی نہیں

لائے گی میرے گھر دعا میری

دیکھنا خود بخود ہی دے دے گی

ان کو میری خبر دعا میری

ان کو ہر غم سے دور رکھے گی

دیکھنا عمر بھر دعا میری

چارہ گر رہنے دے دوا اپنی

زخم کو دے گی بھر دعا میری

ان کے دل میں مری جگہ کر دے

کچھ تو کر کچھ تو کر دعا میری

dil se nikli hai gar dua meri

rang laegi har dua meri

ek din un ko aur koi nahin

laegi mere ghar dua meri

dekhna khud bakhud hi de degi

un ko meri khabar dua meri

un ko har gham se dur rakhegi

dekhna umr bhar dua meri

chara gar rahne de dawa apni

zakhm ko degi bhar dua meri

un ke dil mein miri jagah kar de

kuchh to kar kuchh to kar dua meri