ان سے کہتا ہوں یاد کر مجھ کو

ان سے کہتا ہوں یاد کر مجھ کو

یاد کرتے نہیں مگر مجھ کو

آشیانے پہ آ گرے گی برق

یوں ہی رہنے دے در بدر مجھ کو

میں گیا جو ترے بنا واپس

کاٹ کھائے گا میرا گھر مجھ کو

سو کے اٹھتے ہی میں نے جام پیا

شام لگتی ہے اب سحر مجھ کو

حال ایسا ہوا ہے غم میں ترے

مر جا کہتا ہے چارہ گر مجھ کو

un se kahta hun yad kar mujh ko

yad karte nahin magar mujh ko

ashiyane pe a giregi barq

yun hi rahne de dar badar mujh ko

main gaya jo tire bina wapas

kat khaega mera ghar mujh ko

so ke uthte hi main ne jam piya

sham lagti hai ab sahar mujh ko

hal aisa hua hai gham mein tire

mar ja kahta hai chara gar mujh ko