تیری تصویر میرے پاس نہیں

تیری تصویر میرے پاس نہیں

اور کبھی ہونے کی بھی آس نہیں

تیری محفل میں جا کے جام پیوں

میری تقدیر اتنی خاص نہیں

میرے دل کے لہو کو پیتا ہے

کون کہتا ہے خط کو پیاس نہیں

داغ کو وہ چھپائے کیسے بھلا

چاند کے جسم پر لباس نہیں

دوڑ کر اس کو میں پکڑ لیتا

موت بھی میرے آس پاس نہیں

teri taswir mere pas nahin

aur kabhi hone ki bhi as nahin

teri mahfil mein ja ke jam piyun

meri taqdir itni khas nahin

mere dil ke lahu ko pita hai

kaun kahta hai khat ko pyas nahin

dagh ko wo chhupae kaise bhala

chand ke jism par libas nahin

daur kar us ko main pakar leta

maut bhi mere as pas nahin