ان کے سینہ پہ رکھ کے سر ہم نے

ان کے سینہ پہ رکھ کے سر ہم نے

طے کیا رات کا سفر ہم نے

ان کے چہرے کو دیکھ کر ہم نے

چاند دیکھا نہ عمر بھر ہم نے

عمر ہم نے بڑھا لی ہے اپنی

ڈال کے ان پہ اک نظر ہم نے

ہو گئی ہم پہ مہرباں قدرت

جا کے جب چوما ان کا در ہم نے

ان کی یادوں کو ان کے خوابوں کو

چن لیا اپنا ہم سفر ہم نے

عمر بھر جو کبھی نہ کم ہوگا

ان پہ چھوڑا ہے وہ اثر ہم نے

ان کا بوسہ لیا تسلی سے

پیار سے تھام کے کمر ہم نے

un ke sina pe rakh ke sar ham ne

tai kiya rat ka safar ham ne

un ke chehre ko dekh kar ham ne

chand dekha na umr bhar ham ne

umr ham ne barha li hai apni

dal ke un pe ik nazar ham ne

ho gai ham pe mehrban qudrat

ja ke jab chuma un ka dar ham ne

un ki yadon ko un ke khwabon ko

chun liya apna ham safar ham ne

umr bhar jo kabhi na kam hoga

un pe chhora hai wo asar ham ne

un ka bosa liya tasalli se

pyar se tham ke kamar ham ne