ادھر مے کدہ ہے ادھر بت کدہ ہے

ادھر مے کدہ ہے ادھر بت کدہ ہے

ادھر میرا ساقی ادھر دل ربا ہے

ادھر ہے مری تشنگی کا مداوا

ادھر میرے درد جگر کی دوا ہے

ادھر جوش صہبا ادھر جوش الفت

ادھر ابتدا ہے ادھر انتہا ہے

ادھر دختر رز کی ہے کافر جوانی

ادھر حسن محبوب صدق و صفا ہے

ادھر مے پلا کر گرانے کا شیوہ

ادھر تھام لینے کو دست وفا ہے

ادھر جاؤں یا میں ادھر جاؤں پنکجؔ

ادھر بھی خدا ہے ادھر بھی خدا ہے

idhar mai kada hai idhar but kada hai

idhar mera saqi idhar dil ruba hai

idhar hai miri tishnagi ka mudawa

idhar mere dard-e-jigar ki dawa hai

idhar josh-e-sahba idhar josh-e-ulfat

idhar ibtida hai idhar intiha hai

idhar dukhtar-e-raz ki hai kafir jawani

idhar husn mahbub sidq-o-safa hai

idhar mai pila kar girane ka shewa

idhar tham lene ko dast-e-wafa hai

idhar jaun ya main idhar jaun pankaj

idhar bhi khuda hai idhar bhi khuda hai