مردوں کی زندگی کے لیے کیا دعا کریں

مردوں کی زندگی کے لیے کیا دعا کریں

اس پست آگہی کے لیے کیا دعا کریں

از خود ہمیں نہیں ہے میسر نظر صدا

ایسے میں ہم کسی کے لیے کیا دعا کریں

بے ربط بد حواس کمر سے الگ تھلگ

ہم ایسی چاندنی کے لیے کیا دعا کریں

ملنے تھے جو بھی درد مسرت سو مل گئے

اب وقت آخری کے لیے کیا دعا کریں

گویا زمین کا نہ فلک کا ہوا عزیزؔ

بولو کہ اس خودی کے لیے کیا دعا کریں

mardon ki zindagi ke liye kya dua karen

is past agahi ke liye kya dua karen

az khud hamen nahin hai muyassar nazar sada

aise mein ham kisi ke liye kya dua karen

be rabt bad hawas kamar se alag thalag

ham aisi chandni ke liye kya dua karen

milne the jo bhi dard masarrat so mil gae

ab waqt akhiri ke liye kya dua karen

goya zamin ka na falak ka hua aziz

bolo ke is khudi ke liye kya dua karen