گھر ہے پتھر کا خدا خیر کرے

گھر ہے پتھر کا خدا خیر کرے

اب مرے سر کا خدا خیر کرے

پیاس نے توڑ دی ہے ساری حدیں

اب سمندر کا خدا خیر کرے

روز دیواروں کے باہم جھگڑے

ایسے میں گھر کا خدا خیر کرے

ہر زباں تیغ ہر اک ہاتھ چھری

آج منظر کا خدا خیر کرے

شیش محلوں کی نمائش ہے عزیزؔ

سنگ مرمر کا خدا خیر کرے

ghar hai patthar ka khuda khair kare

ab mire sar ka khuda khair kare

pyas ne tor di hai sari haden

ab samundar ka khuda khair kare

roz diwaron ke baham jhagre

aise mein ghar ka khuda khair kare

har zaban tegh har ik hath chhuri

aj manzar ka khuda khair kare

shish mahlon ki numaish hai aziz

sang marmar ka khuda khair kare