تری نگاہ کا چبھتا ہوا سوال مجھے

تری نگاہ کا چبھتا ہوا سوال مجھے

کہیں نہ غم کے سمندر میں دے اچھال مجھے

میں ایک لمحۂ کمزور کے حصار میں ہوں

شکستگی نہ کہیں کر دے پائمال مجھے

بکھرنے والا ہوں موسم کی گرم سانسوں سے

نہال سبز تو باہوں میں اب سنبھال مجھے

میں ایک قطرۂ شبنم مرا وجود ہی کیا

کرن کی نوک ہی کر دے گی پائمال مجھے

شجر سے برگ گل زرد نے کہا احمرؔ

کرم ترا کہ تو سمجھے شریک حال مجھے

tiri nigah ka chubhta hua sawal mujhe

kahin na gham ke samundar mein de uchhal mujhe

main ek lamha-e-kamzor ke hisar mein hun

shikastagi na kahin kar de paimal mujhe

bikharne wala hun mausam ki garm sanson se

nihal-e-sabz to bahon mein ab sambhal mujhe

main ek qatra-e-shabnam mira wajud hi kya

kiran ki nok hi kar degi paimal mujhe

shajar se barg-e-gul zard ne kaha ahmar

karam tira ke tu samjhe sharik-e-hal mujhe