ڈھونڈنے نکلے تھے اپنا نام کس ارمان سے
Habeeb Ahmarڈھونڈنے نکلے تھے اپنا نام کس ارمان سے
ہم صداؤں کے نگر میں رہ گئے انجان سے
انگلیاں یادوں کی تھامے ہم گزرتے ہی گئے
راستے میں موڑ ملتے ہی گئے سنسان سے
دے رہا ہوں عمر کے حاصل کو افسانے کا روپ
ٹوٹتے لمحے بکھرتی ریت کے عنوان سے
دوستوں نے شہ بھی دی ہشیار تھے ہم بھی مگر
فیل گھوڑے پٹ گئے پھر بھی رہے انجان سے
وقت کی جب دھوپ احمرؔ چڑھ گئی دیوار پر
اپنا سایہ دیکھ کے ہم رہ گئے حیران سے
dhundne nikle the apna nam kis arman se
ham sadaon ke nagar mein rah gae anjan se
ungliyan yadon ki thame ham guzarte hi gae
raste mein mor milte hi gae sunsan se
de raha hun umr ke hasil ko afsane ka rup
tutte lamhe bikharti ret ke unwan se
doston ne shah bhi di hushyar the ham bhi magar
fel ghore pat gae phir bhi rahe anjan se
waqt ki jab dhup ahmar charh gai diwar par
apna saya dekh ke ham rah gae hairan se