زمیں کی خاک کو خاک شفا بناتے ہوئے

زمیں کی خاک کو خاک شفا بناتے ہوئے

سناں تک آ گئے انسانیت بچاتے ہوئے

پکڑ کے رخت سفر میں رکھے ہیں کچھ جگنو

چلیں گے شب میں یہی راستہ دکھاتے ہوئے

جگر میں درد اٹھا تو کسی کی یاد آئی

چھلک گئیں مری آنکھیں غزل سناتے ہوئے

اذان صبح شہادت میں ہو گئے شامل

چراغ جذبۂ نصرت کی لو بڑھاتے ہوئے

لہو ٹپکنے لگا میری چشم غیرت سے

برہنہ سر کے لئے اک ردا بناتے ہوئے

دیار شام قیامت میں ہو گیا تبدیل

کچھ ایسے آئے ہیں خورشید جگمگاتے ہوئے

ہر ایک چہرۂ پروانۂ وفا کو پڑھا

چراغ خیمۂ انصار کو بجھاتے ہوئے

کبھی اندھیروں کبھی سرد موسموں سے لڑے

ہم اپنی جسم کی پوشاک کو جلاتے ہوئے

کسی کی یاد شہادت کا انعقاد کیا

ذرا سی دیر لگی آسماں بلاتے ہوئے

بچا کے لے گئے گرداب سے سفینے کو

ہم اپنے خون کے سیلاب میں نہاتے ہوئے

کسی نے ایسی رہ مستقیم دکھلائی

سنبھل گئے کئی افراد لڑکھڑاتے ہوئے

کوئی خدائی کا اس کی نہیں ہے دعوے دار

یہ کون مر گیا خود کو خدا بتاتے ہوئے

سنا ہے مارے گئے وہ فساد میں بچے

ہمیں سلام جو کرتے تھے آتے جاتے ہوئے

تمام اس کا سر ابتدا ہوا نہ رفیعؔ

زمانے ہو گئے جو داستاں سناتے ہوئے

zamin ki khak ko khak-e-shifa banate hue

sinan tak a gae insaniyat bachate hue

pakar ke rakht-e-safar mein rakhe hain kuchh jugnu

chalenge shab mein yahi rasta dikhate hue

jigar mein dard utha to kisi ki yad ai

chhalak gain miri ankhen ghazal sunate hue

azan-e-subh-e-shahadat mein ho gae shamil

charagh jazba-e-nusrat ki lau barhate hue

lahu tapakne laga meri chashm-e-ghairat se

barahna sar ke liye ik rida banate hue

dayar-e-sham qayamat mein ho gaya tabdil

kuchh aise ae hain khurshid jagmagate hue

har ek chehra-e-parwana-e-wafa ko parha

charagh khema-e-ansar ko bujhate hue

kabhi andheron kabhi sard mausamon se lare

ham apni jism ki poshak ko jalate hue

kisi ki yad shahadat ka iniqad kiya

zara si der lagi asman bulate hue

bacha ke le gae girdab se safine ko

ham apne khun ke sailab mein nahate hue

kisi ne aisi rah-e-mustaqim dikhlai

sambhal gae kai afrad larkharate hue

koi khudai ka us ki nahin hai daawe dar

ye kaun mar gaya khud ko khuda batate hue

suna hai mare gae wo fasad mein bachche

hamen salam jo karte the ate jate hue

tamam us ka sar ibtida hua na rafi

zamane ho gae jo dastan sunate hue