محبت کا کوئی تو پیمان ہوتا

محبت کا کوئی تو پیمان ہوتا

کہ جن پہ ہمیں بھی بہت مان ہوتا

کبھی اتنے ارزاں نہ ہوتے جہاں میں

ہمیں زندگی کا جو عرفان ہوتا

تجھے کاش رکھتے تصور میں اپنے

کہ ان کے بہلنے کا سامان ہوتا

رہ زندگی میں کبھی نہ کبھی تو

تجھے ڈھونڈ لیتے جو امکان ہوتا

کسی سے تعلق بناتے نہ اتنا

کسی سے نہ ملنے کا ارمان ہوتا

اگر اپنی مٹی پہ یاسینؔ رہتے

کہاں ہجرتوں کا یہ طوفان ہوتا

mohabbat ka koi to paiman hota

ke jin pe hamen bhi bahut man hota

kabhi itne arzan na hote jahan mein

hamen zindagi ka jo irfan hota

tujhe kash rakhte tasawwur main apne

ke un ke bahalne ka saman hota

rah zindagi mein kabhi na kabhi to

tujhe dhund lete jo imkan hota

kisi se taalluq banate na itna

kisi se na milne ka arman hota

agar apni mitti pe yasin rahte

kahan hijraton ka ye tufan hota