جس کے ہاتھوں میں ہوا تھا سنگریزوں کا شکار

جس کے ہاتھوں میں ہوا تھا سنگریزوں کا شکار

آج وہ بھی ہو گیا اپنے گناہوں کا شکار

اور کتنے دن مری نظروں کو تم دوگے فریب

اور کتنے دن رہوں گا میں طلسموں کا شکار

بد گماں جس سے رہا کرتی تھی سورج کی کرن

ہو گیا وہ پیڑ بھی کالی گھٹاؤں کا شکار

چل پڑے ہیں لوگ مجھ کو لے کے سولی کی طرف

آخرش میں ہو گیا اپنے اصولوں کا شکار

اپنی شہرت کا مجھے اس وقت اندازہ ہوا

شخصیت میری ہوئی جب نکتہ چینی کا شکار

سر کٹی لاشیں ملیں گی تم کو ہر اک موڑ پر

روشنی ہو جائے گی جس دم اندھیروں کا شکار

بدرؔ تیرا شکریہ کہ تو بھی میرے ساتھ ہے

میں اکیلا ہی نہیں جھوٹی امیدوں کا شکار

jis ke hathon mein hua tha sangrezon ka shikar

aj wo bhi ho gaya apne gunahon ka shikar

aur kitne din miri nazron ko tum doge fareb

aur kitne din rahunga mein tilismon ka shikar

bad guman jis se raha karti thi suraj ki kiran

ho gaya wo per bhi kali ghataon ka shikar

chal pare hain log mujh ko le ke suli ki taraf

akhirash mein ho gaya apne usulon ka shikar

apni shohrat ka mujhe is waqt andaza hua

shakhsiyat meri hui jab nukta chini ka shikar

sar kati lashen milengi tum ko har ik mor par

raushni ho jaegi jis dam andheron ka shikar

badr tera shukriya ke tu bhi mere sath hai

main akela hi nahin jhuti ummidon ka shikar