جاگتی آنکھوں میں کیسے خواب در آنے لگے

جاگتی آنکھوں میں کیسے خواب در آنے لگے

راستے میری طرف لے کر سفر آنے لگے

دور تک اڑتی ابابیلوں کی ڈاریں دیکھ کر

اونگھتے پنچھی کے بھی جنبش میں پر آنے لگے

کائنات شب میں چشم جستجو بھٹکی پھری

روشنی کے منطقے آخر نظر آنے لگے

کتنی دردانگیز تھی سونی منڈیوں کی پکار

اڑ گئے تھے جو پرندے لوٹ کر آنے لگے

گھر تو اک دن ہم نے بھی چھوڑا سدھارتھ کی طرح

پھول آنگن کے مگر ہر سو نظر آنے لگے

دھجیاں دامن کی پہلے ہی نمایاں تھیں بہت

کچھ نئے الزام بھی اب میرے سر آنے لگے

jagti ankhon mein kaise khwab dar ane lage

raste meri taraf le kar safar ane lage

dur tak urti ababilon ki daren dekh kar

unghte panchhi ke bhi jumbish mein par ane lage

kainat-e-shab mein chashm-e-justuju bhatki phiri

raushni ke mantaqe akhir nazar ane lage

kitni dardangez thi suni mandiyon ki pukar

ur gae the jo parinde laut kar ane lage

ghar to ik din ham ne bhi chhora sudharth ki tarah

phul angan ke magar har su nazar ane lage

dhajjiyan daman ki pahle hi numayan thin bahut

kuchh nae ilzam bhi ab mere sar ane lage