وہ خواب خواب فضا وہ نگر کسی کا تھا

وہ خواب خواب فضا وہ نگر کسی کا تھا

مسافرت تو مری تھی سفر کسی کا تھا

نظر گریز رہیں اس طرح مری آنکھیں

کہ جیسے میرا نہیں میرا گھر کسی کا تھا

لہو تو میرا چھپا تھا کلی کی مٹھی میں

کھلے گلاب پہ حق نظر کسی کا تھا

بہت بلند مری پاسباں فصیلیں تھیں

دھڑکتے دل کو مرے پھر بھی ڈر کسی کا تھا

یہ ہاتھ پاؤں مرے تھے زبان میری تھی

جو دے رہا تھا اشارے وہ سر کسی کا تھا

wo khwab khwab faza wo nagar kisi ka tha

masafrat to miri thi safar kisi ka tha

nazar gurez rahen is tarah miri ankhen

ke jaise mera nahin mera ghar kisi ka tha

lahu to mera chhupa tha kali ki mutthi mein

khule gulab pe haq-e-nazar kisi ka tha

bahut buland miri pasban fasilen thin

dharakte dil ko mire phir bhi dar kisi ka tha

ye hath paon mire the zaban meri thi

jo de raha tha ishare wo sar kisi ka tha