بند کمرے میں ہوں اور کوئی دریچا بھی نہیں

بند کمرے میں ہوں اور کوئی دریچا بھی نہیں

کسی دستک کا لرزتا ہوا جھونکا بھی نہیں

تیرگی اوڑھ کے آئی ہے گھٹا کی چادر

اور فانوس کوئی آہ کا جلتا بھی نہیں

کل مرے سائے میں سستائی تھی صدیوں کی تھکن

آج وہ پیڑ ہوں جس پر کوئی پتا بھی نہیں

دھوپ کے دشت کا درپیش سفر ہے مجھ کو

ساتھ دینے کو مگر کوئی پرندہ بھی نہیں

اپنا خوں راہ میں پھیلائیں لکیروں کی طرح

آنے والے نہ کہیں نقش کف پا بھی نہیں

band kamre mein hun aur koi daricha bhi nahin

kisi dastak ka larazta hua jhonka bhi nahin

tirgi orh ke ai hai ghata ki chadar

aur fanus koi ah ka jalta bhi nahin

kal mire sae mein sustai thi sadiyon ki thakan

aj wo per hun jis par koi patta bhi nahin

dhup ke dasht ka darpesh safar hai mujh ko

sath dene ko magar koi parinda bhi nahin

apna khun rah mein phailaen lakiron ki tarah

ane wale na kahin naqsh-e-kaf-e-pa bhi nahin