احوال رنج بزم میں کہنا محال ہے

احوال رنج بزم میں کہنا محال ہے

کہتے ہیں خوب شعر کہا ہے کمال ہے

کتنا حسیں عروج ہے کیسا جمال ہے

لیکن ازل سے طے ہے کہ اک دن زوال ہے

شاید وہ اک سراب ہے لیکن میں کیا کروں

میرا وہی ہے دشت میں پرسان حال ہے

پوچھا گیا ہے مجھ سے ترا کون ہے خدا

یا رب عالمین یہ کیسا سوال ہے

ڈرنے کا دے دیا ہے وبا نے نیا سبب

باقی ہر ایک خوف یہاں حسب حال ہے

ahwal ranj bazm mein kahna muhal hai

kahte hain khub sher kaha hai kamal hai

kitna hasin uruj hai kaisa jamal hai

lekin azal se tai hai ke ik din zawal hai

shayad wo ik sarab hai lekin main kya karun

mera wahi hai dasht mein parsan hal hai

puchha gaya hai mujh se tira kaun hai khuda

ya rab-e-alamin ye kaisa sawal hai

darne ka de diya hai waba ne naya sabab

baqi har ek khauf yahan hasb-e-hal hai