دیکھ کر پورے تماشے کو ہی گھر جائیں گے

دیکھ کر پورے تماشے کو ہی گھر جائیں گے

تری دنیا میں چند اک روز ٹھہر جائیں گے

سارے رستے تری جانب ہی لئے جاتے ہیں

یہ نہ سوچا کہ مرے پاؤں کدھر جائیں گے

زندگی ہم ترے کاندھوں پہ کوئی بوجھ نہیں

ہم بس اک موج ہوا بن کے گزر جائیں گے

کب تلک قید میں رہتی مرے اندر کی تپش

یہ شرر آج ہواؤں میں بکھر جائیں گے

کوئی زندان ہمیں روک نہیں پائے گا

ہم مچا کر ترے خیمے میں غدر جائیں گے

dekh kar pure tamashe ko hi ghar jaenge

tiri duniya mein chand ik roz-e-thahar jaenge

sare raste tiri janib hi liye jate hain

ye na socha ke mire paon kidhar jaenge

zindagi ham tire kandhon pe koi bojh nahin

ham bas ik mauj hua ban ke guzar jaenge

kab talak qaid mein rahti mire andar ki tapish

ye sharar aj hawaon mein bikhar jaenge

koi zindan hamen rok nahin paega

ham macha kar tire kheme mein ghadr jaenge