میں انجان تھا جن سے ایسے جذبوں کی پہچان ہوئی

میں انجان تھا جن سے ایسے جذبوں کی پہچان ہوئی

نورؔ بنا جو قوس قزح تو رنگوں کی پہچان ہوئی

کھول کے آنکھیں جب بھی حقیقت کا میں نے دیدار کیا

مجھ کو دلاسہ دینے والے سپنوں کی پہچان ہوئی

میں سارے آکاش میں گھوما پنکھ تھکے تو لوٹ آیا

جب آ کر ڈالی پہ بیٹھا پیڑوں کی پہچان ہوئی

عشق میں مل کے کھینچ رہا ہے دیکھ لکیریں گالوں پر

دکھ اور کاجل کے ناجائز رشتوں کی پہچان ہوئی

میں نے اپنے رہبر کو بس یاد کیا اور مسکایا

مستوں کی ٹولی میں جب بھی پیروں سے پہچان ہوئی

main anjan tha jin se aise jazbon ki pahchan hui

nur bana jo qaus-e-quzah to rangon ki pahchan hui

khol ke ankhen jab bhi haqiqat ka main ne didar kiya

mujh ko dilasa dene wale sapnon ki pahchan hui

main sare akash mein ghuma pankh thake to laut aya

jab a kar dali pe baitha peron ki pahchan hui

ishq mein mil ke khinch raha hai dekh lakiren galon par

dukh aur kajal ke najaiz rishton ki pahchan hui

main ne apne rahbar ko bas yad kiya aur muskaya

maston ki toli mein jab bhi pairon se pahchan hui