ہے جما خون رگوں میں کہ رواں کچھ بھی نہیں

ہے جما خون رگوں میں کہ رواں کچھ بھی نہیں

تم سے یہ کس نے کہا ہے کہ وہاں کچھ بھی نہیں

کوئی دھڑکن کی سی آواز اٹھی سینے میں

جب کہ ہاتھوں سے ٹٹولا تو کہاں کچھ بھی نہیں

قبل اور بعد کے منظر تو ہوئے ہیں یکساں

تجھ سے پہلے کہ ترے بعد جہاں کچھ بھی نہیں

دیکھ تنہائی مجھے چھوڑ گئے یار سبھی

مسکرا دے کہ سوا تیرے یہاں کچھ بھی نہیں

پھر سے برہا میں جلا نورؔ کرشمہ کیا ہے

کوئی انگار نہ آتش نہ دھواں کچھ بھی نہیں

hai jama khun ragon mein ke rawan kuchh bhi nahin

tum se ye kis ne kaha hai ke wahan kuchh bhi nahin

koi dharkan ki si awaz uthi sine mein

jab ke hathon se tatola to kahan kuchh bhi nahin

qabl aur baad ke manzar to hue hain yaksan

tujh se pahle ke tire baad jahan kuchh bhi nahin

dekh tanhai mujhe chhor gae yar sabhi

muskura de ke siwa tere yahan kuchh bhi nahin

phir se barha mein jala nur karishma kya hai

koi angar na atish na dhuan kuchh bhi nahin