گویا لٹوں کی ڈور سے باندھا ہوا ہے چاند

گویا لٹوں کی ڈور سے باندھا ہوا ہے چاند

دیکھو سیاہ زلف میں کیسے پھنسا ہے چاند

پونم کے بعد دیکھا نہیں سات دن اسے

میں نے سنا ہے روٹھ کر آدھا ہوا ہے چاند

پہلے جمال و نور کی باتوں میں گم ہوا

پھر داغ داغ سن کے سسکنے لگا ہے چاند

بھولے کے سر پہ بھی یہی گنبد پہ بھی یہی

تو کیوں سیاستوں میں الجھنے لگا ہے چاند

اماں کھڑی ہے پاس میں تھالی پروس کر

برسوں کے بعد پھر مرا ماما بنا ہے چاند

goya laton ki dor se bandha hua hai chand

dekho siyah zulf mein kaise phansa hai chand

punam ke baad dekha nahin sat din use

main ne suna hai ruth kar adha hua hai chand

pahle jamal-o-nur ki baton mein gum hua

phir dagh dagh sun ke sisakne laga hai chand

bhule ke sar pe bhi yahi gumbad pe bhi yahi

to kyun siyasaton mein ulajhne laga hai chand

aman khari hai pas mein thali paros kar

barson ke baad phir mira mama bana hai chand