دل کو پتھر بنا کے دیکھوں گا

دل کو پتھر بنا کے دیکھوں گا

میں بھی تجھ کو بھلا کے دیکھوں گا

راستے کا تو کر لوں اندازہ

سوئے منزل بھی جا کے دیکھوں گا

خود بجھا دوں گا دیپ میں جب بھی

طور بدلے ہوا کے دیکھوں گا

کس لئے لوگ ہیں فدا اس پر

اس کی محفل میں جا کے دیکھوں گا

میں خوشی کی طرف بھی بعض اوقات

غم سے نظریں چرا کے دیکھوں گا

چاہے کھو جائے نور آنکھوں کا

اس کو نظریں جما کے دیکھوں گا

با وفا ہی سہی مگر ہاتفؔ

میں اسے آزما کے دیکھوں گا

dil ko patthar bana ke dekhunga

main bhi tujh ko bhula ke dekhunga

raste ka to kar lun andaza

su-e-manzil bhi ja ke dekhunga

khud bujha dunga dip mein jab bhi

tur badle hawa ke dekhunga

kis liye log hain fida us par

us ki mahfil mein ja ke dekhunga

main khushi ki taraf bhi baaz auqat

gham se nazren chura ke dekhunga

chahe kho jae nur ankhon ka

us ko nazren jama ke dekhunga

ba wafa hi sahi magar hataf

main use azma ke dekhunga