جس کی جانب تو اک نظر دیکھے

جس کی جانب تو اک نظر دیکھے

خواب تیرے وہ عمر بھر دیکھے

چین پایا کہیں نہ اس دل نے

گھوم کر ہم نے سو نگر دیکھے

داغ مانا ہیں میرے دامن پر

اپنا چہرہ بھی وہ مگر دیکھے

زہر دیتے رہے مریضوں کو

ہم نے ایسے بھی چارہ گر دیکھے

لطف چاہے جو کوئی جینے کا

اس کی محفل میں بیٹھ کر دیکھے

وہ ہی دن بھر رہا خیالوں میں

خواب تھے جس کے رات بھر دیکھے

حسن بکھرا ہے چار سو ان کا

چشم ہاتفؔ کدھر کدھر دیکھے

jis ki janib to ik nazar dekhe

khwab tere wo umr bhar dekhe

chain paya kahin na is dil ne

ghum kar ham ne so nagar dekhe

dagh mana hain mere daman par

apna chehra bhi wo magar dekhe

zahr dete rahe marizon ko

ham ne aise bhi chara gar dekhe

lutf chahe jo koi jine ka

us ki mahfil mein baith kar dekhe

wo hi din bhar raha khayalon mein

khwab the jis ke rat bhar dekhe

husn bikhra hai char su un ka

chashm hataf kidhar kidhar dekhe