میری الفت کو بھی جفا سمجھے

میری الفت کو بھی جفا سمجھے

میں نے کیا سمجھا آپ کیا سمجھے

اس نظر کو نظر کہوں کیسے

پتھروں کو جو آئنہ سمجھے

تھی فضاؤں میں وہ گھٹن کہ لوگ

باد صرصر کو بھی صبا سمجھے

بھول بیٹھا ہو جب خدا کو بھی

آدمی آدمی کو کیا سمجھے

بد گماں ہو گئے وہ جب مجھ سے

میری ہر بات کو گلہ سمجھے

چین لینے دیا نہ اک پل کو

اے غم دل تجھے خدا سمجھے

کوئی تو ہو جہاں میں اے ہاتفؔ

میرے دل کا جو ماجرا سمجھے

meri ulfat ko bhi jafa samjhe

main ne kya samjha ap kya samjhe

is nazar ko nazar kahun kaise

pattharon ko jo aina samjhe

thi fazaon mein wo ghutan ke log

bad-e-sarsar ko bhi saba samjhe

bhul baitha ho jab khuda ko bhi

admi admi ko kya samjhe

bad guman ho gae wo jab mujh se

meri har bat ko gila samjhe

chain lene diya na ik pal ko

ai gham-e-dil tujhe khuda samjhe

koi to ho jahan mein ai hataf

mere dil ka jo majra samjhe