بے وطن ہوں وطن میں آکر بھی

بے وطن ہوں وطن میں آکر بھی

جل رہا ہوں چمن میں آکر بھی

میری ہستی کا پوچھتے کیا ہو

جان بے جاں ہے تن میں آکر بھی

پائی ناقدریٔ ادب اکثر

ہم نے بزم سخن میں آکر بھی

رکھا تیر ستم مری جانب

اس نے دیوانہ پن میں آکر بھی

بد نمائی نہ چھپ سکی دل کی

خوش نما پیرہن میں آکر بھی

بے سکوں ہی رہے سدا کی طرح

ہم تری انجمن میں آکر بھی

حیف پائی نہیں اماں ہاتفؔ

شہر والوں نے بن میں آکر بھی

be watan hun watan mein akar bhi

jal raha hun chaman mein akar bhi

meri hasti ka puchhte kya ho

jan-e-be jan hai tan mein akar bhi

pai naqadri-e-adab aksar

ham ne bazm-e-sukhan mein akar bhi

rakha tir-e-sitam miri janib

us ne diwana pan mein akar bhi

bad numai na chhup saki dil ki

khush numa pairahan mein akar bhi

be sukun hi rahe sada ki tarah

ham tiri anjuman mein akar bhi

haif pai nahin aman hataf

shahr walon ne ban mein akar bhi