کل بھی جلے تھے دھوپ میں جلتے ہیں آج بھی

کل بھی جلے تھے دھوپ میں جلتے ہیں آج بھی

ہم لوگ سچ کی راہ پہ چلتے ہیں آج بھی

کل بھی مرا وجود تھا دشمن کو ناگوار

کچھ لوگ میرے نام سے جلتے ہیں آج بھی

حجرے دلوں کے کس لئے تاریک ہو گئے

تارے تو آسماں پہ نکلتے ہیں آج بھی

ان کی رفاقتوں پہ کریں کیسے اعتبار

رخ دیکھ کر ہوا کا بدلتے ہیں آج بھی

دشمن ملے تھے پہلے بھی اپنوں کے روپ میں

کچھ سانپ آستین میں پلتے ہیں آج بھی

انساں کے دکھ پہ آنکھ کیوں انساں کی نم نہیں

گو چشمے پتھروں سے ابلتے ہیں آج بھی

kal bhi jale the dhup mein jalte hain aj bhi

ham log sach ki rah pe chalte hain aj bhi

kal bhi mira wajud tha dushman ko nagawar

kuchh log mere nam se jalte hain aj bhi

hujre dilon ke kis liye tarik ho gae

tare to asman pe nikalte hain aj bhi

un ki rifaqaton pe karen kaise etibar

rukh dekh kar hawa ka badalte hain aj bhi

dushman mile the pahle bhi apnon ke rup mein

kuchh sanp astin mein palte hain aj bhi

insan ke dukh pe ankh kyun insan ki nam nahin

go chashme pattharon se ubalte hain aj bhi