دل کے صحرا میں بڑے زور کا بادل برسا

دل کے صحرا میں بڑے زور کا بادل برسا

اتنی شدت سے کوئی رات مجھے یاد آیا

جس سے اک عمر رہا دعویٔ قربت مجھ کو

ہائے اس نے نہ کبھی آنکھ اٹھا کر دیکھا

تو مری منزل مقصود ہے لیکن ناپید

میں تری دھن میں شب و روز بھٹکنے والا

پھیل جاتا ترے ہونٹوں پہ تبسم کی طرح

کاش حالات کا پہلو کبھی ہو ایسا

کتنی شدت سے ترے عارض و لب یاد آئے

جب سر شام افق پر کوئی تارہ چمکا

اب کے اس طور سے آئی تھی گلستاں میں بہار

دامن شاخ میں سوکھا ہوا پتا بھی نہ تھا

داستاں غم کی اسے تابؔ سناتے کیوں ہو

کب رگ سنگ سے خوں کا کبھی دھارا نکلا

dil ke sahra mein bare zor ka badal barsa

itni shiddat se koi rat mujhe yad aya

jis se ik umr raha daawa-e-qurbat mujh ko

hae us ne na kabhi ankh utha kar dekha

tu miri manzil-e-maqsud hai lekin napaid

main tiri dhun mein shab-o-roz bhatakne wala

phail jata tire honton pe tabassum ki tarah

kash halat ka pahlu kabhi ho aisa

kitni shiddat se tire ariz-o-lab yad ae

jab sar-e-sham-e-ufuq par koi tara chamka

ab ke is taur se ai thi gulistan mein bahar

daman-e-shakh mein sukha hua patta bhi na tha

dastan gham ki use tab sunate kyun ho

kab rag-e-sang se khun ka kabhi dhara nikla