آنکھ سے کس نے روشنی مانگی

آنکھ سے کس نے روشنی مانگی

خواب کے نام زندگی مانگی

میں نے لہرا کے اپنے آنچل کو

تیرے سپنوں کی چاندنی مانگی

زندگی بانٹنے جو آئی سخن

میں نے لفظوں میں تازگی مانگی

کب یہ چاہا کہ دشت ہو آگے

کب سمندر سے بے رخی مانگی

یوں بھی سجدوں میں گر گئی اکثر

یوں بھی تابندہؔ بندگی مانگی

ankh se kis ne raushni mangi

khwab ke nam zindagi mangi

main ne lahra ke apne anchal ko

tere sapnon ki chandni mangi

zindagi bantne jo ai sukhan

main ne lafzon mein tazgi mangi

kab ye chaha ke dasht ho age

kab samundar se be rukhi mangi

yun bhi sajdon mein gir gai aksar

yun bhi tabinda bandagi mangi