Arooz is now on the App Store, for iPhone and iPad. Download →

All poetry

ایسے حیراں ہیں کہ حیرت کی کوئی حد ہی نہیں

Babar Ali Asad (b. 1980)

ایسے حیراں ہیں کہ حیرت کی کوئی حد ہی نہیں

عکس ٹوٹا ہے مگر آئنے پہ زد ہی نہیں

ہم ترے ظرف کی قامت سے بہت چھوٹے ہیں

تیرے رتبے کے برابر تو یہاں قد ہی نہیں

اب یہی آخری حل ہے کہ مدینے پہنچوں

اک وہی در ہے کہ جس در پہ کوئی رد ہی نہیں

ہر بڑھاپے کو بزرگی بھی نہیں مل سکتی

تنگ گلیوں کے نصیبوں میں یہ برگد ہی نہیں

اپنے لہجے کے تلفظ سے یہ تشدید ہٹا

دیکھ الفاظ کے چہروں پہ کہیں شد ہی نہیں