ساقی مجھے شباب کا رسیا کہے سو ہوں

ساقی مجھے شباب کا رسیا کہے سو ہوں

میں خود سے بے نیاز ہوں جیسا کہے سو ہوں

میری ہوس کے اندروں محرومیاں ہیں دوست

واماندۂ بہار ہوں گھٹیا کہے سو ہوں

اب میں کسی کی سوچ بدلنے سے تو رہا

یہ شہر بد گماں مجھے شیدا کہے سو ہوں

تو ہی بتا میں اپنی صفائی میں کیا کہوں

تو بات بات میں مجھے جھوٹا کہے سو ہوں

دانشؔ خود احتسابی کا مجھ میں نہیں دماغ

منہ پھٹ ہوں بد مزاج ہوں دنیا کہے سو ہوں

saqi mujhe shabab ka rasiya kahe so hun

main khud se be niyaz hun jaisa kahe so hun

meri hawas ke andarun mahrumiyan hain dost

wamanda-e-bahar hun ghatiya kahe so hun

ab main kisi ki soch badalne se to raha

ye shahr bad guman mujhe shaida kahe so hun

tu hi bata main apni safai mein kya kahun

tu bat bat mein mujhe jhuta kahe so hun

danish khud ehtisabi ka mujh mein nahin dimagh

munh phat hun bad mizaj hun duniya kahe so hun