یہ تیرہ بخت بیانوں میں قید رہتے ہیں

یہ تیرہ بخت بیانوں میں قید رہتے ہیں

وطن ہمارے ترانوں میں قید رہتے ہیں

خودی سے دور رگ ہائے سنگ میں ساکت

مرے یقین گمانوں میں قید رہتے ہیں

سڑک پہ خواہشیں بے نام و ننگ پھرتی ہیں

زمیں کے خواب زمانوں میں قید رہتے ہیں

کہا فلک نے یہ اڑتے ہوئے پرندوں سے

زمیں پہ لوگ مکانوں میں قید رہتے ہیں

مرے خدا نے کہا ہے کہ ہر جگہ ہے وہ

ترے خدا تو فسانوں میں قید رہتے ہیں

ye tira bakht-e-bayanon mein qaid rahte hain

watan hamare taranon mein qaid rahte hain

khudi se daur-e-rag ha-e-sang mein sakit

mire yaqin gumanon mein qaid rahte hain

sarak pe khwahishen be nam-o-nang phirti hain

zamin ke khwab zamanon mein qaid rahte hain

kaha falak ne ye urte hue parindon se

zamin pe log makanon mein qaid rahte hain

mire khuda ne kaha hai ke har jagah hai wo

tire khuda to fasanon mein qaid rahte hain