ہوا سے ربط ذرا سوچ کر بنانا تھا

ہوا سے ربط ذرا سوچ کر بنانا تھا

ہمیں زمیں پہ اترنا تھا گھر بنانا تھا

خوشی بنانی تھی پہلے کسی تعلق کی

پھر اس خوشی کو بچانے کا ڈر بنانا تھا

ہماری آنکھ کو اب تک سمجھ نہیں آئی

کہ پہلے اشک یا پہلے کہر بنانا تھا

ارے یہ عشق بھی تو منچلے کا سودا ہے

ہمارے بس میں جو ہوتا کدھر بنانا تھا

ہوا تو روز سناتی تھی دھوپ روزن سے

مگر ہمیں یہاں سورج سا در بنانا تھا

سنو یہ عیب کسی رنگ سے نہیں چھپنے

بس ایک حل تھا ہمیں توڑ کر بنانا تھا

معاف کرنا تجھے کھل کے لکھ نہیں پائے

ہمیں یہ قصہ ذرا مختصر بنانا تھا

hawa se rabt zara soch kar banana tha

hamen zamin pe utarna tha ghar banana tha

khushi banani thi pahle kisi taalluq ki

phir is khushi ko bachane ka dar banana tha

hamari ankh ko ab tak samajh nahin ai

ke pahle ashk ya pahle kohr banana tha

are ye ishq bhi to manchale ka sauda hai

hamare bas mein jo hota kidhar banana tha

hawa to roz sunati thi dhup rauzan se

magar hamen yahan suraj sa dar banana tha

suno ye aib kisi rang se nahin chhupne

bas ek hal tha hamen tor kar banana tha

muaf karna tujhe khul ke likh nahin pae

hamen ye qissa zara mukhtasar banana tha