صدیوں کا کرب لمحوں کے دل میں بسا دیا

صدیوں کا کرب لمحوں کے دل میں بسا دیا

پل بھر کی زندگی کو دوامی بنا دیا

دیوار میں وہ چن ہی رہا تھا مجھے مگر

کم بخت ایک سنگ کہیں مسکرا دیا

جب اور کوئی مد مقابل نہیں رہا

میری انا نے مجھ کو مجھی سے لڑا دیا

مجھ سے نہ پوچھ کل کے محقق سے پوچھنا

شعلوں کے لمس نے مجھے کیوں یخ بنا دیا

یادوں کے شہر میں بھی نہ حیرتؔ سکوں ملا

حالات نے مزاج کچھ ایسا بنا دیا

sadiyon ka karb lamhon ke dil mein basa diya

pal bhar ki zindagi ko dawami bana diya

diwar mein wo chun hi raha tha mujhe magar

kam bakht ek sang kahin muskura diya

jab aur koi mad-e-muqabil nahin raha

meri ana ne mujh ko mujhi se lara diya

mujh se na puchh kal ke muhaqqiq se puchhna

sholon ke lams ne mujhe kyun yakh bana diya

yadon ke shahr mein bhi na hairat sukun mila

halat ne mizaj kuchh aisa bana diya