چٹکیاں لیتی ہے گویائی کسے آواز دوں

چٹکیاں لیتی ہے گویائی کسے آواز دوں

کس کو ہے توفیق شنوائی کسے آواز دوں

سر میں سودا ہے نہ دل میں آرزو کس سے کہوں

جلوتیں مانگے ہے تنہائی کسے آواز دوں

اپنی نظروں میں تو میرا زعم ہستی لغو ہے

کس سے پوچھوں اپنی سچائی کسے آواز دوں

بیچ دوں گا میں ضمیر اپنا اگر تسکیں ملے

اے مسلسل روح فرسائی کے آواز دوں

میری حسرت کوئی پوچھے مجھ سے میرا حال دل

لوگ اپنے اپنے شیدائی کسے آواز دوں

آزمائش کا یہ پہلو بھی ہے کیا معلوم تھا

کامرانی کی گھڑی آئی کسے آواز دوں

کس کے نام آخر کروں حیرتؔ میں اپنی وحشتیں

منتظر ہے دشت پیمائی کسے آواز دوں

chutkiyan leti hai goyai kise awaz dun

kis ko hai taufiq shanwai kise awaz dun

sar mein sauda hai na dil mein arzu kis se kahun

jalwaten mange hai tanhai kise awaz dun

apni nazron mein to mera zaam-e-hasti laghw hai

kis se puchhun apni sachchai kise awaz dun

bech dunga mein zamir apna agar taskin mile

ai musalsal ruh farsai ke awaz dun

meri hasrat koi puchhe mujh se mera hal-e-dil

log apne apne shaidai kise awaz dun

azmaish ka ye pahlu bhi hai kya maalum tha

kamrani ki ghari ai kise awaz dun

kis ke nam akhir karun hairat main apni wahshaten

muntazir hai dasht paimai kise awaz dun