جھونکے کی طرح عمر دو روزہ گزر گئی

جھونکے کی طرح عمر دو روزہ گزر گئی

جانے کدھر سے آئی تھی جانے کدھر گئی

اس طرح دل تک آج کسی کی نظر گئی

دم بھر ٹھٹک کے عمر گریزاں ٹھہر گئی

افسانۂ حیات کی رنگینیاں نہ پوچھ

اتنی ہے عمر بڑھ گئی جتنی گزر گئی

سو انقلاب منتظر اک برہمی کے تھے

بکھری جو ان کی زلف تو دنیا سنور گئی

ہم تولتے رہے پر و بازوئے آرزو

اتنے میں التفات کی ساعت گزر گئی

رکھیں اب اہل ہوش قدم پھونک پھونک کر

اپنی تو جس طریق پہ گزری گزر گئی

بالیں پہ جلوہ ریز ہے حسن لطیف دوست

فیاضؔ آنکھ کھول نماز سحر گئی

jhonke ki tarah umr do roza guzar gai

jane kidhar se ai thi jane kidhar gai

is tarah dil tak aj kisi ki nazar gai

dam bhar thitak ke umr-e-gurezan thahar gai

afsana-e-hayat ki ranginiyan na puchh

itni hai umr barh gai jitni guzar gai

so inqilab muntazir ik barhami ke the

bikhri jo un ki zulf to duniya sanwar gai

ham tolte rahe par-o-bazu-e-arzu

itne mein iltifat ki saat guzar gai

rakhen ab ahl-e-hosh qadam phunk phunk kar

apni to jis tariq pe guzri guzar gai

balin pe jalwa rez hai husn-e-latif-e-dost

fayyaz ankh khol namaz-e-sahar gai