چپ ہو کیوں میں نے کچھ کہا تو نہیں

چپ ہو کیوں میں نے کچھ کہا تو نہیں

ہو ہی جاتا غضب ہوا تو نہیں

راہ میں لاکھ مشکلیں آئیں

حوصلہ بڑھ گیا گھٹا تو نہیں

یوں بھی مرجھا گئیں کئی کلیاں

میں نے دیکھا مگر چھوا تو نہیں

وہ تو میرے جنوں کی باتیں تھیں

ہم نشیں تو نے کچھ سنا تو نہیں

پہلے دنیا جہاں کے غم دے دو

پھر کہو تجھ کو کچھ ہوا تو نہیں

آپ سے دور آپ کا فیاضؔ

کچھ برا ہو گیا ہے تھا تو نہیں

chup ho kyun main ne kuchh kaha to nahin

ho hi jata ghazab hua to nahin

rah mein lakh mushkilen aen

hausla barh gaya ghata to nahin

yun bhi murjha gain kai kaliyan

main ne dekha magar chhua to nahin

wo to mere junun ki baten thin

ham nashin tu ne kuchh suna to nahin

pahle duniya jahan ke gham de do

phir kaho tujh ko kuchh hua to nahin

ap se dur ap ka fayyaz

kuchh bura ho gaya hai tha to nahin