ٹٹولنے پہ بھی دل کا نشاں نہیں ملتا

ٹٹولنے پہ بھی دل کا نشاں نہیں ملتا

غضب خدا کا جہاں کا جہاں نہیں ملتا

بھٹک رہے ہیں خلاؤں میں حضرت انساں

نئی زمین نیا آسماں نہیں ملتا

کہاں ملے گا خدا یہ نہ پوچھئے مجھ سے

کوئی بتائے مجھے وہ کہاں نہیں ملتا

زمیں بھی گھوم رہی ہے زمین والے بھی

کسی کو چین تہہ آسماں نہیں ملتا

سکون ڈھونڈنے والے کمال کرتے ہیں

وہیں تلاش کریں گے جہاں نہیں ملتا

ترے سوال کے ملتے جواب اگر فیاضؔ

جواب کچھ تو ادھر سے بھی ہاں نہیں ملتا

tatolne pe bhi dil ka nishan nahin milta

ghazab khuda ka jahan ka jahan nahin milta

bhatak rahe hain khalaon mein hazrat-e-insan

nai zamin naya asman nahin milta

kahan milega khuda ye na puchhiye mujh se

koi batae mujhe wo kahan nahin milta

zamin bhi ghum rahi hai zamin wale bhi

kisi ko chain tah-e-asman nahin milta

sukun dhundne wale kamal karte hain

wahin talash karenge jahan nahin milta

tire sawal ke milte jawab agar fayyaz

jawab kuchh to idhar se bhi han nahin milta