کیا آنکھ ملاؤ گے تم دیکھنے والوں سے

کیا آنکھ ملاؤ گے تم دیکھنے والوں سے

رہتے ہو اندھیروں میں ڈرتے ہو اجالوں سے

بکھری ہوئی زلفیں ہیں یا میرؔ کی غزلیں ہیں

قدر ان کی کوئی پوچھے آشفتہ خیالوں سے

کس پیار سے ملتے ہیں ناقوس و اذاں دونوں

کس جنم کا ناتا ہے مسجد کا شوالوں سے

اسلام مسیحائی رب ارنی گیتا

کیا کچھ نہیں پایا ہے دنیا نے گوالوں سے

دو بوند ہی کام آئیں تپتے ہوئے صحرا کی

کچھ آنکھ سے ٹپکا دو کچھ پاؤں کے چھالوں سے

فیاضؔ وہ پوچھیں تو تکلیف تجھے کیا ہے

ہم دیں گے جواب ان کو کچھ اور سوالوں سے

kya ankh milaoge tum dekhne walon se

rahte ho andheron mein darte ho ujalon se

bikhri hui zulfen hain ya mir ki ghazlen hain

qadar un ki koi puchhe ashufta khayalon se

kis pyar se milte hain naqus-o-azan donon

kis janam ka nata hai masjid ka shawwalon se

islam masihai rab-e-arini gita

kya kuchh nahin paya hai duniya ne gawalon se

do bund hi kam aen tapte hue sahra ki

kuchh ankh se tapka do kuchh paon ke chhalon se

fayyaz wo puchhen to taklif tujhe kya hai

ham denge jawab un ko kuchh aur sawalon se