تیری چشم کرم رہے محفوظ

تیری چشم کرم رہے محفوظ

آندھیوں میں بھی ہم رہے محفوظ

عظمت زندگی اسی سے ہے

لذت درد و غم رہے محفوظ

سیف و نیزہ سے کیا غرض ہم کو

بس ہمارا قلم رہے محفوظ

ضبط غم کا یہی تقاضا ہے

ان کا دست ستم رہے محفوظ

تیری یادوں کی شمع روشن ہے

رونق شام غم رہے محفوظ

آسماں نے بہت ستم ڈھائے

پھر بھی واللہ ہم رہے محفوظ

تا قیامت خدا کرے صابرؔ

شمع طاق حرم رہے محفوظ

teri chashm-e-karam rahe mahfuz

andhiyon mein bhi ham rahe mahfuz

azmat zindagi usi se hai

lazzat-e-dard-o-gham rahe mahfuz

saif-o-neza se kya gharaz ham ko

bas hamara qalam rahe mahfuz

zabt-e-gham ka yahi taqaza hai

un ka dast-e-sitam rahe mahfuz

teri yadon ki sham-e-raushan hai

raunaq-e-sham-e-gham rahe mahfuz

asman ne bahut sitam dhae

phir bhi wallah ham rahe mahfuz

ta qayamat khuda kare sabir

shama taq-e-haram rahe mahfuz