وہ خون انساں سے ہاتھ جن کے سنے ہوئے ہیں

وہ خون انساں سے ہاتھ جن کے سنے ہوئے ہیں

پیامبر امن و آشتی کے بنے ہوئے ہیں

کروں گا طوفاں کے بعد ان کی مزاج پرسی

گھمنڈ سے چور پیڑ جتنے تنے ہوئے ہیں

وہ لوگ اب چاند کو بسانے کی فکر میں ہیں

جو اس زمیں کے اماں کے دشمن بنے ہوئے ہیں

تھے آسماں پر تباہیوں کے جو ہلکے بادل

وہ عہد نو میں نہ جانے کیسے گھنے ہوئے ہیں

کسی بھی اک مسئلے کا حل آج تک نہ نکلا

جو زندگی کے تھے مسئلے سب بنے ہوئے ہیں

خدا نے جنت کی ساری آسائشیں تو دی تھیں

یہ سارے دکھ زندگی کے تیرے جنے ہوئے ہیں

انہیں منانے میں وقت ضائع کرو نہ صابرؔ

انا کے بندے جو بے سبب ہی تنے ہوئے ہیں

wo khun-e-insan se hath jin ke sune hue hain

payambar amn-o-ashti ke bane hue hain

karunga tufan ke baad un ki mizaj parsi

ghamand se chur per jitne tane hue hain

wo log ab chand ko basane ki fikr mein hain

jo is zamin ke aman ke dushman bane hue hain

the asman par tabahiyon ke jo halke badal

wo ahd-e-nau mein na jane kaise ghane hue hain

kisi bhi ik masale ka hal aj tak na nikla

jo zindagi ke the masale sab bane hue hain

khuda ne jannat ki sari asaishen to di thin

ye sare dukh zindagi ke tere jane hue hain

unhen manane mein waqt zae karo na sabir

ana ke bande jo be sabab hi tane hue hain